Preview: මුදල් අමාත්යාංශයට අයත් ඇමෙරිකානු ඩොලර් මිලියන 2.5ක මුදලක් වංචනිකයන් පිරිසක් අතට පත්වූ බවට වාර්තා වූ සිද්ධියෙන් පසු, ඉදිරියේදී එවැනි අවදානම් තත්ත්වයන් වළක්වා ගැනීම සඳහා ශ්රී ලංකා මහ බැංකුව සහ මුදල් අමාත්යාංශය සමීපව කටයුතු කරන බව මහ බැංකු අධිපති ආචාර්ය නන්දලාල් වීරසිංහ මහතා පවසනවා.
ඔහු මේ බව සඳහන් කළේ අද (13) දින මහ බැංකුවේ පැවැති මාධ්ය හමුවකදීයි.
ගෙවීම් ක්රමවේද තවදුරටත් ශක්තිමත් කිරීම සඳහා විශේෂ අවධානයක් යොමු කර ඇති බවද ඔහු මෙහිදී අවධාරණය කළා.
යම් ගෙවීමක් සිදු කිරීමේදී මුදල් අමාත්යාංශයෙන් ලැබෙන නිල උපදෙස් අනුව, භාණ්ඩාගාර ගිණුම්වලින් හෝ මහ බැංකුව හරහා විදේශ විනිමය ලබාගෙන අදාළ ගෙවීම් සිදු කරන බවද මහ බැංකු අධිපතිවරයා පැහැදිලි කළා.
එම ක්රියාවලිය සාමාන්ය බැංකු ගනුදෙනුවක් මෙන්ම නිල උපදෙස් මත පදනම්ව සිදුවන බවත්, බැංකුවකට ලැබෙන නිවැරදි ගිණුම් තොරතුරු අනුව ගෙවීම් සිදු කිරීම හැර වෙනත් ක්රියාමාර්ග ගැනීමට අයිතියක් නොමැති බවත් ඔහු සඳහන් කළා.
තවද ඔහු අවධාරණය කළේ, ගෙවීම් සිදු කළ පසු එය නිවැරදිව සිදුවී ඇත්ද යන්න තහවුරු කර ගැනීම අදාළ ආයතනවල වගකීමක් වන බවයි. ගනුදෙනු පරීක්ෂා කිරීම සහ අවශ්ය නම් ඒවා තහවුරු කර ගැනීම සඳහා ප්රකාශ (statements) පරීක්ෂා කිරීම වැදගත් බවද ඔහු පෙන්වා දුන්නා.
මෙම සිදුවීමෙන් පසු රාජ්ය මූල්ය ගනුදෙනු සම්බන්ධයෙන් ආරක්ෂක ක්රමවේද තවදුරටත් ශක්තිමත් කිරීමට අවධානය යොමු කර ඇති බවද මහ බැංකු අධිපතිවරයා වැඩිදුරටත් සඳහන් කළා.